Oyunçular arasında ən çox istifadə olunan əməliyyat sistemləri

Steam şirkətinin hər ay apardığı avadanlıq və proqram təminatı sorğularının nəticələri yenidən ictimaiyyətə təqdim olunub. Dekabr ayına aid son məlumatlara görə, oyunçular arasında ən çox seçilən əməliyyat sistemi Windows 11 olub. Noyabr ayıyla müqayisədə 6.16% artım göstərən Windows 11, bazar payının 54.96%-nə yüksəlib.

İkinci yerdə isə sürətlə bazar payını itirməkdə olan Windows 10 qalıb. Oktyabr ayına nisbətən 5.07% azalma ilə bazar payı 42.39%-də dayanmışdır. Bir zamanlar lider mövqeyi tutan, amma artıq dəstək və yenilənmələr almayan Windows 7 isə 0.15% payla kifayətlənib və 0.13% azalma qeydə alınıb. Bu rəqəmlər, texnologiya dünyasında dəyişikliklərin sürətini bir daha təsdiqləyir.

Maraqlı məqam odur ki, Windows 11 sistem tələbləri də özünəməxsusdur. Sistemin işləməsi üçün 1 GHz və ya daha sürətli prosessor, ən azı 4 GB RAM, 64 GB saxlama yeri və UEFI ilə uyğunlaşa bilən bir sistem tələb olunur. Bununla yanaşı, TPM 2.0 və DirectX 12 dəstəyi olan bir video kart da vacib şərtlər arasındadır.

Sizcə, bu statistikalar nəyi göstərir? Hansı əməliyyat sistemini daha çox üstün tutursunuz? Fikir və təkliflərinizi bölüşməkdən çəkinməyin.