Planşet Bazarında Qızğın Rəqabət: Lider Müəyyənləşdi

Beynəlxalq Data Korporasiyasının (IDC) son hesabatına görə, 2025-ci ilin ikinci rübündə (aprel-iyun) qlobal planşet satışları 13% artaraq 38,3 milyon ədədə çatıb. Bəs planşet bazarında vəziyyət necədir və hansı brend liderlik edir? Ətraflı məlumatlar budur!

Apple planşet bazarının lideri oldu! 2025-ci ilin ikinci rübündə 12,7 milyon satış həcmi və 33,1% bazar payı ilə Apple qlobal planşet bazarında birinci yeri tutdu. Şirkətin əsas iPad (2025) modeli ümumi satışlarda illik 2,4% artımın əsas səbəbi oldu.

Samsung 7,2 milyon satış və 18,7% bazar payı ilə ikinci yerdə qərarlaşdı. Galaxy Tab seriyası, xüsusilə Latın Amerikası, Yaxın Şərq və Avropada böyük populyarlıq qazandı. Lenovo isə 3,1 milyon satış və 8,2% bazar payı ilə üçüncü yeri tutdu. Tab M seriyasına olan tələb bu uğurun əsas amili oldu.

Amazon ən sürətli inkişaf edən şirkət oldu. Fire planşet seriyasının satışları 200%-dən çox artaraq 3,1 milyon ədədə çatdı və 8% bazar payı əldə etdi - bu da Lenovo ilə demək olar ki, bərabərdir. Xiaomi isə Pad 7 və Redmi Pad SE modellərinə olan böyük tələb sayəsində 2,8 milyon satış və 7,4% bazar payı ilə beşinci yerdə qərarlaşdı.

Digər brendlər ümumilikdə 9,4 milyon satış və 24,6% bazar payına sahib oldular. Nəticə olaraq, Apple rəqiblərini geridə qoyaraq planşet bazarında liderliyini qoruyub saxladı.