PlayStation 6-nın Qiyməti Açıqlanıb

PlayStation 5 Pro-nun satışa çıxmasına baxmayaraq, yeni nəsil qrafik kartlarının gücü konsollarla kompüterlər arasındakı fərqi daha da artırıb. Bu da konsol oyunçularını növbəti nəsil konsolları gözləməyə vadar edib. Bu gözləntiləri daha da artıran əhəmiyyətli bir iddia etibarlı sızmalar ilə tanınan Moore’s Law is Dead YouTube kanalından gəldi. Moore’s Law is Dead PlayStation 6-nın qiyməti barədə açıqlamalar verdi.

PlayStation 6 nə qədərə başa gələcək? Kanalda əldə etdikləri daxili məlumata görə, Sony PlayStation 6 üçün yol xəritəsini əsasən müəyyən edib. Növbəti nəsil konsolun istehsalına 2027-ci ilin ortalarında başlanılacağı bildirilir. Satışa çıxarılma tarixinin 2027-ci ilin son rübündən 2028-ci ilin birinci rübünə qədər olacağı gözlənilir. Konsol nəsillərinin adətən 7-8 il ömrü olduğunu nəzərə alsaq, bu tarix sənayə standartlarına uyğundur.

Sızmanın ən diqqətçəkən tərəfi isə Sonynun yalnız əsas konsola diqqət yetirməməsidir. Şirkətin PS6 ilə eyni vaxtda satışa çıxarılacaq yeni bir PlayStation portativ konsol üzərində çalışdığı bildirilir. Bu addım Sony-nin portativ oyun bazarına yenidən canla-başla qayıtmaq istədiyini göstərir.

Sızmalar yalnız tarixlə məhdudlaşmır; ən çox gözlənilən mövzulardan biri olan qiymət barədə də məlumat verilib. PlayStation 6-nın 500 ilə 600 dollar arasında satılacağı gözlənilir. “Pro” səviyyəli aparat üçün olduqca rəqabətli olan bu qiymət diapazonu oyunçular tərəfindən artıq yaxşı qarşılanıb. Nintendo-nun yeni nəsil konsolu ilə birbaşa rəqabət etməyi hədəfləyən portativ konsolun isə 400 ilə 500 dollar arasında qiymətə satılacağı gözlənilir.