realme GT Neo 7-nin satışa çıxacağı tarix açıqlandı!

Çinli smartfon istehsalçılarından biri olan realme şirkəti, səbirsizliklə gözlənilən GT Neo 7 modelinin satışa çıxacağı tarixi rəsmən elan etdi. Rəsmi açıqlamada bildirilib ki, telefon 11 Dekabr tarixində təqdim olunacaq.

realme GT Neo 7, 6500mAh-dən böyük batareya tutumu və IP68-dən yüksək suya və toza davamlılıq sertifikatı ilə gələcək. Qiymətinin isə təxminən 345 dollar olacağı gözlənilir.

Daha ətraflı texniki xüsusiyyətlərə gəlincə, GT Neo 7, AnTuTu testlərində 2.4 milyon bal toplayaraq əvvəlki model olan GT Neo 6-dan (1.5 milyon bal) xeyli yüksək nəticə göstərib. Bu da telefonun güclü performansına işarədir.

Hazırda təsdiqlənmiş texniki xüsusiyyətlər bunlardır:

Ekran: 6.7 düym düz AMOLED, 1.5K çözünürlük, 120Hz yeniləmə tezliyi

Prosessor: MediaTek Dimensity 9300 Plus

RAM: 16GB-ə qədər

Yaddaş: 512GB-ə qədər

Batareya: 6500mAh-dən çox, 80W sürətli şarj

Arxa kamera (Əsas): 50MP, optik görüntü sabitləşdirmə (OIS)

Toz və suya davamlılıq: IP68-dən yüksək sertifikat