Redmi Turbo 4 Pro-nun nəhəng batareyası üzə çıxdı!

Bu ayın əvvəlində satışa çıxarılan Xiaomi-nin Redmi Turbo 4 telefonu böyük maraqla qarşılanıb. Bu uğurun ardınca, Çin brendi yaxın gələcəkdə Redmi Turbo 4 Pro-nu satışa çıxarmağa hazırlaşır. Hələ ki, smartfon haqqında çox məlumat yayılmasa da, vəziyyət dəyişməyə başlayıb.

Son zamanlar onun batareyası ilə bağlı detallar üzə çıxıb. Texnologiya sənayesində məşhur sızdırıntılar mənbəyi olan Digital Chat Station, Redmi Turbo 4 Pro-nun 7500 mAh batareya ilə təchiz olunacağını açıqlayıb. Şarj sürəti haqqında dəqiq məlumat paylaşılmasa da, əvvəlki sızdırıntılar 90W sürətli şarjı dəstəkləyəcəyini göstərir.

Smartfonun incə çərçivəli, 1.5K çözünürlüklü OLED LTPS ekranı olacağı gözlənilir. Həmçinin, hələ satışa çıxarılmamış, mövcud Snapdragon 8 Elite çipinin bir qədər aşağı saat sürətinə malik olan Snapdragon 8s Elite prosessoru ilə işləyəcəyi deyilir. Təsdiq olunmamış məlumatlara görə, Turbo 4 Pro, Poco F7-nin yenidən brendləşdirilmiş versiyası ola bilər. Bu o deməkdir ki, iki modelin adları və dizaynları fərqlənsə də, əsas xüsusiyyətləri eyni olacaq.

Rəsmi açıqlama olmasa da, mənbələr cihazın 2025-ci ilin aprel ayında satışa çıxarılacağını bildirirlər. Sizcə necə?