Samsung Tizen Smart Saatlərinə Dəstəyi Tamamilə Dayandırır

Samsung, Tizen əməliyyat sistemindən istifadə edən ağıllı saat modellərinə olan proqram və məzmun dəstəyini tamamilə dayandıracaq. 2024-cü ildən mərhələli şəkildə həyata keçirilən dəstək dayandırılma prosesi 2025-ci ilin sentyabrında yekunlaşır. Bu tarixdən sonra Tizen əsaslı Galaxy Gear və Galaxy Watch modelləri Galaxy Store vasitəsilə məzmun yükləmə xidmətlərindən istifadə edə bilməyəcəklər.

Qeyd edək ki, 2024-cü il sentyabrın 30-dan etibarən Tizen əsaslı geyə bilən cihazlar üçün Galaxy Store-dan pulsuz məzmun yükləməsi məhdudlaşdırılıb, 2025-ci il mayın 31-də isə bu məhdudiyyət pulsuz məzmuna da şamil edilib. Sentyabrın sonuna kimi istifadəçilər əvvəllər satın aldıqları və ya yüklədikləri heç bir məzmunu yenidən əldə edə bilməyəcəklər. Samsung dəstəyi dayandırılacaq cihazların tam siyahısını hələ açıqlamamayıb. Lakin, şirkətin əvvəlki açıqlamaları və proqram infrastrukturuna əsasən, aşağıdakı modellərin təsirlənəcəyi gözlənilir: Galaxy Gear, Galaxy Gear 2, Galaxy Gear S2, Gear S3 Classic, Gear S3 Frontier, Galaxy Watch, Galaxy Watch Active, Galaxy Watch Active2, Galaxy Watch 3.

Bütün bu cihazlar Tizen əməliyyat sistemindən istifadə edir və Wear OS-ə keçid başlamazdan əvvəl buraxılıb. 2021-ci ildə təqdim olunan Galaxy Watch 4 seriyası ilə Samsung ağıllı saatlarında Wear OS əsaslı platformaya keçid edib. Bu model və sonrakı cihazlar 2025-ci il sentyabr ayının dayanmasına təsir olunmayacaq. Qeyd etmək lazımdır ki, Samsung yalnız ağıllı saatlar üçün Tizen dəstəyini dayandırdı. Şirkət televizorlarda istifadə etdiyi Tizen əməliyyat sisteminə dəstəyi davam etdirir.