Samsung-un 6 il yenilənəcək telefonu nə qədər başa gələcək?

Samsung-un səbirsizliklə gözlənilən orta sinif telefonu Galaxy A56 artıq yaxınlaşır. Son günlərdə bu model haqqında sızan məlumatların sayı xeyli artıb və qiymət də daxil olmaqla vacib detallar ortaya çıxıb.

Etibarlı mənbələr Galaxy A56-nın texniki xüsusiyyətləri və qiymətini açıqlayıblar. Smartfon 45 Vt sürətli şarj dəstəyi ilə 5000 mAh batareyaya sahib olacaq. Əvvəlki model 25 Vt şarj sürətinə malik olduğundan, bu yeni model əhəmiyyətli bir təkmilləşmə deməkdir. Telefon FHD+ çözünürlük və 120 Hz yeniləmə tezliyinə malik Dinamik AMOLED ekranla təchiz olunacaq.

Cihaz son aylarda təqdim olunan Samsung-un öz istehsalı olan Exynos 1580 prosessoru ilə işləyəcək. Prosessor 2.9 GHz tezlikdə işləyən bir yüksək performanslı Cortex-A720 nüvəsi, 2.6 GHz tezlikdə işləyən üç əlavə Cortex-A720 nüvəsi və enerji səmərəliliyi üçün optimallaşdırılmış 1.95 GHz tezlikdə işləyən dörd Cortex-A520 nüvəsindən ibarətdir. Galaxy A56, 8GB/12GB RAM və 128GB/256GB yaddaş variantlarında satışa çıxarılacaq.

Üçlü kamera qurğusuna 50MP əsas sensor, 12MP ultrasenzu və 5MP makro sensor daxildir. Selfi üçün isə yeni 12MP ön sensor olacaq. Galaxy A56-nın ən diqqətçəkən cəhətlərindən biri də proqram təminatı yenilənmə dəstəyidir. Samsung, Galaxy A16 5G ilə başladığı kimi, orta sinif modelləri üçün 6 il proqram təminatı yeniləməsi ənənəsini davam etdirəcək.

Nəhayət, cihazın qiymətinin 550 dollardan başlayacağı və ehtimal ki, 2025-ci ilin mart ayında rəsmi olaraq təqdim ediləcəyi gözlənilir.