Sony, Kadokawa Qrupunu Almağı Təsdiqlədi!

Dünyanın ən böyük oyun şirkətlərindən biri olan Sony-nin, Dark Souls və ELDEN RING oyunları ilə məşhur FromSoftware şirkətinin sahibi Kadokawa Qrupunu satın almaq istədiyi barədə xəbərlər yayılmışdı. Bu məsələ ilə bağlı çox məlumat olmasa da, Sony tərəfdən açıqlama gəldi. Sony, satın alma iddialarının doğru olduğunu təsdiqləsə də, ətraflı məlumat vermədi. Hazırda iki şirkət arasında danışıqların davam etdiyi məlumdur. Danışıqların nə zaman yekunlaşacağı isə hələ ki, aydın deyil.

Kadokawa Qrupunun əməkdaşlarının əhəmiyyətli bir hissəsi şirkətin Sony tərəfindən alınmasını istəyir. Bu arzunun əsasında hazırkı baş icraçı direktor Takeshi Natsuno-nun rəhbərliyindən narazılıq durur. Hətta əməkdaşlar şirkət Sony-nin nəzarətinə keçərsə, baş icraçı direktorun vəzifədən azad ediləcəyinə güclü inam bəsləyirlər.

Game Awards 2024 namizədləri elan edildi! Ən yaxşı oyundan tutmuş ən yaxşı səs texnologiyasına qədər bir çox mükafatın təqdim olunacağı mərasim üçün namizədlər açıqlanıb. Digər tərəfdən, Sony-nin Kadokawa Qrupunu satın almasının bəzi mənfi təsirləri də ola biləcəyi bildirilir. Şirkətin müstəqilliyinin itirilməsindən əlavə, yeni rəhbərliyin daha sərt bir quruluş qəbul edəcəyi narahatlığı da var. Bu vəziyyətin şirkətin fəaliyyətinə mənfi təsir göstərəcəyi düşünülür. Sony tərəfindən gələn həftələrdə yeni bir açıqlamanın ediləcəyi gözlənilir. Bu açıqlama ilə daha ətraflı məlumatlar paylaşılacaq.