TCL-dən 57 düymlük super geniş monitor

TCL şirkəti 57 düymlük, əyri və ultraseh geniş monitorunu təqdim etdi. 57R94 model nömrəli cihaz, ikiqat 4K çözünürlüyü və QD-Mini LED arxa işıqlandırma texnologiyası ilə diqqət çəkir. 32:9 aspekt nisbətinə sahib olan bu monitor, 7680 x 2160 piksel çözünürlük təklif edir və istifadəçiyə iki 4K ekranı yan-yana istifadə edirmiş kimi hiss etdirir.

1000R əyriliyi ilə gələn panel, 120 dərəcəlik baxış sahəsi yaradaraq, xüsusilə də immersivliyin ön planda olduğu oyun və media təcrübələrində üstünlük təmin edir. Monitor üçün sürətli HVA panel tipi seçilib. Yeniləmə sürəti 120 Hz-dir və 1 millisaniyəlik reaksiya vaxtı ilə sürətli ekran dəyişikliklərində gecikmə hissini aradan qaldıracaq texniki xüsusiyyətlər mövcuddur.

TCL tərəfindən hazırlanan QD-Mini LED texnologiyası monitorun arxa işıqlandırmasında istifadə olunub. 2304 regional qaralma zonasına sahib sistem yüksək kontrast səviyyələri və HDR performansı təklif edir. 1200 nit zirvə parlaqlığına çata bilən monitor DisplayHDR 1000 sertifikatına malikdir. Rəng dəqiqliyi baxımından Delta E < 1 dəyəri ilə yüksək dəqiqlik iddia olunur. Cihazın rəng örtüyü 98% DCI-P3 və 99% sRGB kimi ölçülüb. 8-bit + FRC ilə 10-bit rəng dərinliyi əldə edilib. Monitor həmçinin Pantone tərəfindən təsdiq olunub.

TCL 57R94, yüksək səviyyədə fiziki tənzimləmə imkanı da təqdim edir. Meyillik tənzimləməsi -5° ilə +20° arasında, sağa-sola fırlanma isə -30° ilə +30° arasında edilə bilər. Hündürlük 110 mm-ə qədər tənzimlənə bilir. Stend ilə birlikdə monitorun ümumi çəkisi 18.3 kiloqramdır. VESA 100×100 montaj dəstəyi də təklif olunur. Bağlantı seçimlərinə iki HDMI 2.1 portu, bir DisplayPort 1.4, 90 Vt güc çıxışı ilə bir USB-C portu, dörd USB-A 3.0 və bir USB-B portu daxildir. Monitor həmçinin KVM keçid funksiyasına malikdir, bu da eyni monitordan iki fərqli kompüteri idarə etməyə imkan verir. Monitorun gələn aylarda qlobal bazarlara çıxması gözlənilir.