Tesla Azərbaycanda gözləntiləri üstələdi!

2025-ci ilin ilk yarısında Avropa bazarında satışlarını artırmaqda çətinlik çəkən Tesla, Türkiyədə tamamilə əks vəziyyətlə üzləşib. Model Y avtomobili ilə Türkiyə bazarında fəaliyyət göstərən şirkət, iyun ayında bütün avtomobil markalarını geridə qoyaraq ən çox satılan modelin sahibi olub.

Tesla, Türkiyə bazarında gözləntiləri üstələyərək iyun ayında 7235 ədəd Model Y satışı həyata keçirib. Ötən ilin eyni ayında 2670 ədəd avtomobil satan şirkət, illik bazada 170 faiz, aylıq bazada isə 368 faiz artım göstərib. İlin ikinci rübündə Türkiyədə cəmi 9000, ilk altı ayda isə 12320 avtomobil satışı həyata keçirilib.

Avropada isə vəziyyət daha parçalanmışdır. Norveç və İspaniya kimi ölkələrdə Model Y satışları artsa da, Fransa, İtaliya, İsveç və Danimarka kimi əhəmiyyətli bazarlarda ciddi azalmalar müşahidə edilib. Norveçdə ötən ilin eyni ayına nisbətən 54 faiz artımla 5646, İspaniyada isə 127,2 faiz artımla 2632 ədəd Model Y satılıb. Lakin İsveçdə satışlar 64,4 faiz azalaraq 976, Danimarkada isə 61,6 faiz azalaraq 1155 ədədə düşüb. Fransada 3646 avtomobil satılsa da, ötən ilə nisbətən 10 faiz azalma olub. İtaliyada isə azalma nisbəti 66 faiz təşkil edib.

Bənzər bir meyillər Teslanın doğma ölkəsi ABŞ-da da müşahidə olunur. İyun ayında təxminən 46000 avtomobil satıldığı təxmin edilir. Lakin bu rəqəm ötən ilin eyni dövrünə nisbətən 16 faiz azdır. İllik satışların azalması ilk altı ayda 12 faiz olaraq ölçülüb. Teslanın çatdırılmalarında düşmə tendensiyası ikinci rübdə qlobal olaraq davam edir. Analitiklər iyun ayında bitən rübdə şirkətin təxminən 390000 avtomobil çatdıra biləcəyini bildirirlər. Bu rəqəm illik bazada 11 faizdən çox azalmanı göstərir. Teslanın geriləməsinə səbəb, baş direktor Elon Muskun siyasi ritorikası ilə bəzi istehlakçı qrupları arasında yaranan fikir ayrılığı və rəqabətin sürətli artımı kimi amillərdir. Şirkətin uzun müddətdir məhsul xəttində heç bir radikal yenilik etməməsi də satışların azalmasının səbəbləri arasında qeyd olunur.