Tesla Model Y “Juniper” Çinin bazarında fırtına yaratdı!

Tesla-nın yeni elektrikli avtomobili Model Y “Juniper”, Çin bazarına bomba kimi düşdü! İlk satış günündə, yəni 10 Yanvar tarixində 50.000 sifariş toplayaraq hamını heyrətə saldı. Bu, Çin avtomobil istehsalçılarının güclü rəqabətinə baxmayaraq, Teslanın elektrikli avtomobil bazarındakı üstünlüyünü bir daha təsdiqlədi.

Aprel-May aylarında çatdırılmağa başlanılacaq “Juniper”, iki variantda təklif olunur: arxa təkər ötürücülü (RWD) və tam ötürücülü (AWD). RWD versiyası təxminən 36.000 dollar, AWD versiyası isə təxminən 42.000 dollardan başlayır. Əvvəlki Model Y modellərində endirim olsa da, alıcılar yeni “Juniper”i üstün tutdular.

Qeyd edək ki, Tesla 2024-cü ildə Çində 480.309 ədəd Model Y satışı ilə 5% artım əldə edib və bu dinamikanı 2025-ci ildə də davam etdirəcəyi gözlənilir. “Juniper”, Çindən başqa, Sinqapur, Yeni Zelandiya, Honq Konq, Makao, Tayvan, Malayziya, Tayland, Cənubi Koreya və Avstraliya kimi bazarlarda da əvvəlcədən sifarişlərə açıqdır. İyun ayında isə Türkiyə bazarına çıxacağı gözlənilir.

Teslanın bu uğurları və yeni Model Y “Juniper” haqqında nə düşünürsünüz?