Tesla-nın Optimus Robotu Rəqs Etdi!

İllərdir üzərində işlənilən Tesla-nın insanabənzər robot layihəsi Optimus, son yayımlanan video ilə yeni bir mərhələyə qədəm qoyub. Şirkət tərəfindən paylaşılan görüntülərdə Optimus, simsiz əlaqə olmadan, real vaxt rejimində özbaşına rəqs edir. 2021-ci ildə keçirilən Süni Zəka Günündə ilk dəfə elan edilən Optimus layihəsində əvvəlcə robot kostyumu geyinmiş bir insan səhnəyə çıxarılmışdı. 2022-ci ildə ilk funksional prototipin təqdimindən sonra isə robotun əsas balans problemləri ilə üzləşdiyi görünmüşdü.

Son yayımlanan videoda isə Optimus heç bir xarici müdaxilə olmadan tamamilə müstəqil hərəkət edərək rəqs edir. Tesla-nın Optimus proqramının rəhbəri Milan Kovac robotun bütün hərəkətlərinin real vaxtda işlədiyini və rəqs zamanı heç bir məsafədən idarəetmənin olmadığını bildirib. Simulyasiya infrastrukturundakı inkişaflar sayəsində daha balanslı bir yeriş və yaxşılaşdırılmış bədən koordinasiyasının əldə edildiyi qeyd olunub.

Boston Dynamics, Agility Robotics, Figure və Unitree kimi rəqib şirkətlərlə müqayisədə Optimus uzun müddət geridə qalmışdı. Lakin, rəqs performansı ilə Tesla bu sahədə rəqabətə yenidən güclü şəkildə qoşulub. Növbəti mərhələ kütləvi istehsaldır. Baş direktor Elon Musk robotun 2025-ci ildə ev istifadəsində sınaqdan keçiriləcəyini və 2026-cı ildə rəsmi satışının başlayacağını açıqlayıb. Optimusun təxmin edilən satış qiymətinin 25.000-30.000 dollar arasında olacağı gözlənilir.