WhatsApp Qrup Sohbətlərinə Səs Chatı Gəlir!

WhatsApp qrup söhbətlərini daha asan və sürətli etmək üçün yeni bir "səs chatı" xüsusiyyəti üzərində işləyir. Meta şirkətinin məşhur mesajlaşma platformasında qrup söhbətlərində bir toxunuşla aktiv edilə bilən səs chat düyməsini sınaqdan keçirir.

Bu xüsusiyyət nə edəcək? Qısaca desək, bu yenilik çoxlu iştirakçısı olan qruplarda səs əsaslı ünsiyyət mühiti yaratmağı hədəfləyir. Bütün üzvlər eyni zamanda və ya istənilən vaxt mesaj axınının içində itib-batmadan iştirak edə biləcəklər. Bu sistem mövcud qrup zənglərindən bir qədər fərqlənir. Hazırkı qrup zəngləri hər kəsin eyni vaxtda cavab verməsini tələb edərkən, bu xüsusiyyətlə qrup üzvləri istənilən vaxt söhbətə qoşula və ya ayrılıb çıxa bilərlər.

Bu, böyük və aktiv icmalarda vaxt uyğunsuzluğundan yaranan problemləri azaldır və sürətli fikir mübadiləsi və təbii səs ünsiyyəti üçün yol açır. Qeyd edək ki, sözügedən xüsusiyyət hələ inkişaf mərhələsindədir. Ehtimal ki, WhatsApp-ın Android beta versiyalarında sınaqdan keçirilir. Şirkətin bu xüsusiyyəti stabil versiyaya nə zaman gətirəcəyi barədə rəsmi açıqlama yoxdur. Ancaq sınaq prosesi uğurla başa çatarsa, yaxın gələcəkdə iOS və masaüstü platformalara da oxşar yeniləmə təklif ediləcəyini söyləmək olar.

Yəni, WhatsApp-ın üzərində işlədiyi səs chat xüsusiyyəti əvvəlkindən daha çevik və hər zaman aktiv səs kanalını təklif etməyi planlaşdırır. Qrup üzvlərinin eyni vaxtda onlayn olmasını gözləmək lazım deyil.