Windows 11-də səs problemi: milyonlarla istifadəçi təsirlənib

Yanvarın 10-da yayımlanan təhlükəsizlik yeniləməsindən sonra Windows 11 istifadəçilərinin bir çoxunun səs sistemlərində ciddi problemlər yaranıb. Microsoft bu səhvi təsdiqləyib. Xüsusilə USB vasitəsilə qoşulmuş səs sistemləri, o cümlədən DAC (rəqəmli-analok çevirici) istifadə edənlər bu problemdən əziyyət çəkir. Səs tamamilə kəsilməkdədir.

Microsoft, Windows 11-in 24H2, 23H2 və 22H2 versiyalarını, həmçinin Windows 10-un da bəzi versiyalarını əhatə edən bu problemi həll etmək üçün çalışdığını bildirib, lakin hələlik daimi həll yolu təqdim edə bilməyib. Müvəqqəti həll yolu olaraq istifadəçilərə səs sistemlərini birbaşa kompüterə qoşmaları tövsiyə olunur. USB DAC istifadəsindən imtina etmək məsləhət görülür.

Windows 10-un rəsmi dəstəyinin 2025-ci ilin oktyabrında bitməsi nəzərə alınaraq, bu cür problemlərin həlli üçün Windows 10 istifadəçiləri üçün daha çox müvəqqəti həll yollarına əl atılacağı gözlənilir. Microsoftun bu səhvi tam şəkildə aradan qaldıra biləcəyi hələ ki, məlum deyil.

Siz də bu yeniləmədən sonra səs problemləri ilə qarşılaşmısınızmı?