Xbox Copilot Mobil Cihazlara Gəlir!

Microsoft, süni intellektə əsaslanan Xbox Copilotun mobil versiyasının sınağını başlayıb! iOS və Android istifadəçiləri artıq Xbox mobil tətbiqinin beta versiyası vasitəsilə Copilot for Gaming xidmətindən istifadə edə bilərlər.

Bu ilkin versiya istifadəçilərə oyun tarixlərinə əsaslanan tövsiyələr almaq, nailiyyətlərini görmək və oyunlarla bağlı təlimat və ya məsləhətlər istəmək imkanı verir. Mobil Copilot, oyunçunun hansı oyunu oynadığını bilir, Xbox hesabındakı fəaliyyətini təhlil edir və cavabları buna uyğunlaşdırır.

Sistem lazım olduqda veb-resurslara keçidlər təqdim edir və sualları istifadəçinin oyun tarixindən və ya nailiyyətlərindən birbaşa cavablandıra bilir. Microsoftun əvvəlki nümayiş videosu da Copilotun gələcəkdə bir növ süni intellekt məşqçisi kimi istifadə edilə biləcəyini göstərirdi. Şirkət Overwatch 2-də apardığı bir təcrübədə Copilotun oyunçu səhvlərini aşkar etdiyini və komanda tərkibinə uyğun qəhrəman təklifləri verdiyi nümayiş etdirib.

Eyni şəkildə, Minecraft-da istifadəçilər Copilot-dan əşya hazırlamaq kimi oyun içi suallar verə bilərlər. Xbox Copilotun interfeysi Microsoftun ümumi Copilot sisteminə bənzəyir və istifadəçilər səsi özelleşdirə bilərlər. Gələcək versiyalarda köməkçinin istifadəçilərə oyunları birbaşa konsola yükləmək və quraşdırmağa imkan verməsi də gözlənilir. Hazırda sınaq mərhələsi yalnız müəyyən bölgələrdə açıqdır.