Xiaomi-dan Yeni Mikrodalğalı Sobası!

Xiaomi, gündəlik istifadə üçün yeni bir məişət cihazı təqdim edib. "Mijia 20L Enerji Qənaətli Mikrodalğalı" adı ilə satışa çıxarılan sobaya sadə dizaynı, praktikliyi və əlverişli qiyməti ilə diqqət çəkir. Çində təxminən 48 dollara satışa çıxarılan cihaz, ənənəvi mikrodalğalı sobaların mürəkkəb düymələri və rəqəmli ekranlarından fərqli olaraq daha sadə istifadə təcrübəsi təklif edir. Ön qapaqda heç bir qol və ya düymə yoxdur. Bunun əvəzinə təzyiqə həssas düz səth dizaynı seçilib. Bütün idarəetmə yalnız iki fırlanan düymədən ibarətdir: biri vaxt tənzimləməsi, digəri isə güc səviyyəsi üçün.

700 Vt gücə malik yeni nəsil maqnetron texnologiyası ilə işləyən soba, bir stəkan südü və ya kiçik qida hissələrini cəmi bir dəqiqədə qızdıra bilir. Taymeri 35 dəqiqəyə qədər tənzimləmək mümkündür ki, bu da bir çox qida üçün kifayətdir. Daxili həcmi 20 litr olan cihaz çıxarıla bilən şüşə fırlanan lövhəyə malikdir. Daxili səthində istifadə olunan nano örtük təmizlənməni asanlaşdırır. Bundan əlavə, cihazda olan 3D əks etdirməli qızdırma sistemi qidanın hər nöqtəsinin bərabər qızdırılmasını təmin edir. Mijia mikrodalğalı sobada ümumilikdə beş müxtəlif güc səviyyəsi var. Qidanın toxumasına zərər vermədən və qida dəyərini qoruyaraq onu əritmək üçün xüsusi rejim də təklif olunur. Enerji səmərəliliyi baxımından Çinin milli standartlarına görə ikinci səviyyədə olan cihaz, performans və elektrik istehlakı arasında balanslı quruluşa malikdir.