Xiaomi-dən Galaxy Z Flip 6-nın rəqibi: Nələr təklif edəcək?

Qatlanan telefon bazarının uğurlu oyunçularından biri olan Xiaomi, sentyabr ayında Mix Flip modelini satışa təqdim etdikdən sonra yeni bir model üzərində işləyir. Mix Flip 2 modelinin tezliklə satışa çıxacağı gözlənilir. Bəs yeni model nələr təklif edəcək? Ətraflı məlumatlar budur!

Xiaomi Mix Flip 2 nələr təklif edəcək? Sızmalar ilə tanınan Digital Chat Station, yaxınlaşan Xiaomi Mix Flip 2-nin əsas xüsusiyyətlərini açıqlayıb. Sızmalara görə, smartfon 50 MP 1/1.5” əsas kamera və 50 MP 1/2.76” ultrasenig bucaq kamerası ilə təchiz olunacaq. Bu, əvvəlki modelində olan telefoto sensorun yeni modelə daxil edilməyəcəyini göstərir. Telefon Qualcomm Snapdragon 8 Elite prosessoru ilə işləyəcək. Bundan əlavə, 6.85 düymlük LTPO AMOLED əsas ekranı və 1.5K çözünürlüyü olacaq. Təsdiq olunmasa da, təxminən 4 düymlük örtük ekranı olacağı gözlənilir. Cihaz NFC dəstəyi və yan tərəfdə barmaq izi sensoruna malik olacaq. 5600 mAh və ya 5700 mAh batareya ilə işləyəcək.

Etibarlı mənbələrə görə, modelin 2025-ci ilin iyun ayında təqdim olunması gözlənilir. Lakin, qeyd edək ki, bu yalnız bir şayiədir və brendin rəsmi bəyanatını gözləmək daha məqsədəuyğundur.

Müqayisə üçün, əvvəllər satışa çıxarılmış Mix Flip modelinin xüsusiyyətləri aşağıdakılardır: Xüsusiyyət - Xiaomi MIX Flip Xüsusiyyətləri