Xiaomi Telefonlarda Özelleşdirməni Çətinləşdirir

Xiaomi, smartfonlarında sistem özelleşdirmə imkanlarını məhdudlaşdırmaq istiqamətində yeni bir addım atdı. İndi istifadəçilər ildə yalnız bir cihazın bootloader-ını açacaqlar. Bu yeni məhdudiyyət, şirkətin istifadəçilərin cihazlarında dərin sistem dəyişiklikləri etməsini istəmədiyini bir daha ortaya qoydu. Xiaomi cihazlarında xüsusi ROM (daha çevik və fərdiləşdirilə bilən Android interfeysi) quraşdırmaq indi olduqca çətin olacaq.

Yeni qərarla, xüsusi ROM quraşdırmaq istəyən istifadəçiləri çətin bir yol gözləyir. Xiaomi-nin qaydaları əvvəlcə Çin bazarına tətbiq olunacaq, lakin yaxın gələcəkdə digər ölkələrə də yayılması gözlənilir. Bootloader-ı açmaq üçün istifadəçilər Xiaomi-nin rəsmi icmasında qeydiyyatdan keçməli, müraciət etməli, təsdiqlənməni gözləməli və təsdiqdən sonra məhdud bir müddət ərzində prosesi başa çatdırmalıdırlar.

Smartfon əməliyyat sistemlərinin daha inkişaf etmiş və istifadəçi dostu olması, modifikasiya ehtiyacını azaltsa da, bu yeni məhdudiyyət xüsusi ROM hazırlayan və ya cihazlarını fərdiləşdirmək istəyən istifadəçilər üçün ciddi bir maneədir. Xiaomi bu qərarı verərkən zəmanət pozuntuları və təhlükəsizlik risklərini səbəb göstərib.

Məhdudiyyətlərin arxasındakı səbəblər: Zəmanət və təhlükəsizlik: Bootloader-ın açılması cihazın təhlükəsizliyini və sabitliyini təsir edə bilər, həmçinin istehsalçının zəmanətini ləğv edə bilər. Nüfuzun qorunması: Xüsusilə bəzi bazarlarda Xiaomi cihazlarının toplu halda alınıb üçüncü tərəf proqram təminatı ilə yenidən satıldığı məlumdur. Bu isə brendin nüfuzuna zərər verə bilər.

Yeni məhdudiyyətlər istifadəçi hüquqları və cihaz mülkiyyəti ətrafında bir çox müzakirələri yenidən alovlandırdı. Məsələn, cihaz sahibinin onunla istədiyi hər şeyi etmək hüququ varmı? Bu məhdudiyyətlər zəmanət müddəti bitdikdən sonra ləğv edilməlidirmi? Xiaomi belə tənqidlərlə gündəmdədir.