Yeni Citroen Ami Azərbaycanda: Qiymətlər açıqlandı

Citroen, şəhər üçün ideal, kompakt və ekoloji cəhətdən təmiz nəqliyyat həlli axtaranlar üçün nəzərdə tutulmuş elektrikli Ami modelinin yenilənmiş versiyasını Azərbaycan bazarına təqdim edib. 2024 Paris Avtomobil Sərginin ulduzu olan yeni Ami, dizayn yenilikləri ilə seçilir, texniki xüsusiyyətləri isə dəyişməz qalır.

Ən diqqətçəkən dəyişiklik ön hissənin dizaynındadır. Əvvəlki versiyaya nisbətən daha sadə və təmiz xətlərə sahib olan ön tərəf daha şaquli və fərqli bir quruluşa malikdir. Yeni Citroen loqosu ön şüşənin altındakı əyri hissədə yer alır və şaquli bir səthə doğru uzanır, avtomobilin identikliyini daha da gücləndirir. Farlar qara çərçivələr içərisində yer alıb və göz qapaqlarını xatırladan bir dizayna malikdir. Bu iki far arasındakı qabarıq, kapsula bənzər hissə "geniş təbəssüm" yaradır və avtomobilin oynaq xarakterini vurğulayır. Ön bamperin alt hissəsi daha az yuvarlaqlaşdırılıb və daha güclü xətlərə malikdir. Bu dizayn avtomobilin yolda daha cəlbedici görünməsini və eninin daha geniş qəbul edilməsini təmin edir. Arxa hissənin dizaynı da ön hissə ilə uyğunluq təşkil edir və daha sadə, xarakterik xətlərə malikdir. Yeni bamper detalları Amirin kiçik ölçülərinə baxmayaraq daha cəsarətli və fərqli görünməsini təmin edir.

Yeni Citroen Ami-nin texniki xüsusiyyətləri dəyişməz qalmışdır. Avtomobil 6 kVt gücündə elektrik mühərriki ilə təchiz olunub. 5.5 kVt batareya ilə 75 kilometrə qədər məsafə qət edə bilən Ami qısa məsafəli şəhər səfərləri üçün nəzərdə tutulub. Avtomobilin maksimum sürəti 45 km/saat ilə məhdudlaşdırılıb. Qanunvericiliyə əsasən kvatsik kimi təsnif olunan Ami-ni 16 yaşdan yuxarı B1 sürücülük vəsiqəsi olanlar idarə edə bilər. Yeni Ami Azərbaycan bazarında müxtəlif qiymətlərlə təklif olunur. Daha ətraflı məlumat üçün Citroen dilerlərinə müraciət edə bilərsiniz.