Antibiotiklər can alır: Hər 45 saniyədə bir insan ölür

Ankara Universiteti Baytarlıq fakültəsi dekanı professor Ender Yarsan dünyada hər 45 saniyədə bir insanın antibiotiklərə davamlı infeksiyalar səbəbiylə öldüyünü bildirərək, tədbir görülməsə, 2050-ci ilə qədər bu rəqəmin hər 3 saniyəyə düşəcəyi ilə bağlı xəbərdarlıq edib.

O vurğulayıb ki, 2004-cü ildə dərc olunan hesabata görə, dünyada antibiotik istifadəsinin miqdarı 80 min tondan artıb.

Lent.az xarici mediaya istinadən bildirir ki, onun sözlərinə görə, antibiotiklərdən rasional, şüurlu və təhlükəsiz istifadə son dərəcə vacibdir. Əks halda, antibiotiklərə qarşı müqavimət yarana və ciddi sağlamlıq problemlərinə səbəb ola bilər.

Antibiotik müqavimətinin getdikcə artan problem olduğunu bildirən Yarsan deyib: "Antibiotiklərə qarşı müqavimət yarandıqda, mikroorqanizmlər dərmandan təsirlənmir və bu, ölüm nisbətlərini ciddi şəkildə artırır. 2016-cı ildə aparılan araşdırmaya görə, dünyada təxminən 700 min insan antibiotiklərin yaratdığı infeksiyalar səbəbiylə həyatını itirib. davamlı mikroorqanizmlər bu tendensiya davam edərsə, 2050-ci ildə bu rəqəm ildə 10 milyon nəfərə çatacaq".

2024-cü ildə dərc olunan hesabata toxunan Yarsan 2019-cu ildə 1 milyon 200 min insanın antibiotiklərə davamlı infeksiyalar səbəbindən öldüyünü, 2021-ci ildə isə bu rəqəmin 4 milyon 700 minə yüksəldiyini bildirib.

"Hər 45 saniyədə bir insan antibiotikə davamlı infeksiyalar səbəbiylə ölür. Əgər tədbir görülməzsə, bu rəqəm 2050-ci ildə hər 3 saniyədə olacaq", - professor vurğulayıb.

Antibiotik müqavimətinin qarşısını almağın ən mühüm yolunun dərmanların düzgün dozada və müddətdə istifadə edilməsi olduğunu deyən Yarsan, antibiotik müalicəsinin müddətini tamamlamanın vacibliyini qeyd edib.

"Antibiotiklərin son istifadə müddətindən əvvəl dayandırılması müqavimətin artmasına səbəb olacaq" deyən Yarsan, müalicə prosesinin mütləq həkim nəzarətində olması lazım olduğunu da əlavə edib.