İsrail ordusu "Hizbullah"ın daha 3 liderini məhv etdi - İDDİA

İsrail ordusu "Hizbullah"ın Livanın paytaxtı Beyrutdakı kəşfiyyat qərargahını bombaladığını, həmçinin ölkənin cənubunda təşkil edilən hava hücumu zaman "Hizullah"ın 3 rəhbər şəxsinin məhv edildiyini açıqlayıb.

"X" sosial şəbəkəsində əks olunan açıqlamada döyüş təyyarələrinin səhər saatlarında "Hizbullah"ın kəşfiyyat qərargahı ilə yanaşı Beyrutdakı yeraltı silah istehsalı sexini də bombaladığı vurğulanıb. Bununla yanaşı, qeyd olunub ki, Tibnin bölgəsində həyata keçirilən hücum nəticəsində "Hizbullah"ın cənub cəbhəsindəki "önəmli lideri" olduğu iddia edilən Hacı Abbas Selame, həmçinin Rida Abbas Avade və Əhməd Əli Hüseyni öldürülüb.

"Hizbullah" hələ ki, İsrailin iddiaları ilə bağlı açıqlama verməyib.

Livanın rəsmi xəbər agentliyi olan NNA, İsrail ordusunun Livanın cənubunda bu gün həyata keçirdiyi hücumlar zamanı 11 nəfərin həyatını itirdiyini bildirib.