ABŞ narkotik qaçaqmalçılığı ilə mübarizə üçün Dominikanın aeroportlarundan istifadə edir

Dominikan Respublikası hökuməti ABŞ-ın iki əsas beynəlxalq hava limanından istifadə etməsinə icazə verdi. Bu hava limanları paytaxt regionunda yerləşən "Las Americas" və "San Isidro"dur. Bu addım ABŞ-ın Hərbi naziri Pit Heqsetin rəsmi səfəri ilə bağlıdır və icazə regional narkotik qaçaqmalçılığı ilə mübarizə məqsədi daşıyır.

Mərkəzi Amerika ölkəsinin Prezidenti Luis Abinader hərbi nazirin səfəri ilə əlaqədar olaraq bu razılığı təsdiqlədi. Prezident Abinader hətta hava limanlarında avadanlıq və texniki personalın daşınması üçün məhdudlaşdırılmış zonaların istifadəsinə də icazə verib. Bu barədə Dominikanın "Diario Libre" qəzeti məlumat yayıb. Qəzet hətta ABŞ Hərbi Hava Qüvvələrinə məxsus təyyarəni əks etdirən video paylaşdı, təyyarə artıq "Las Americas" hava limanında idi.

"Diario Libre" qəzetində çıxan məqalənin başlığı "Dominikan Respublikası ABŞ-nin "San Isidro" və "Las Americas" hava limanlarından narkotik qaçaqmalçılığı ilə mübarizə aparmaq üçün istifadəsinə icazə verəcək" idi. Bütün bu əməkdaşlığa baxmayaraq, Prezident L. Abinader ABŞ-a verilən bu icazənin müddətini dəqiqləşdirməyib. Bu, Dominikan Respublikasının regional təhlükəsizlik əməliyyatlarına verdiyi dəstəyi göstərir.