Ağalı kəndinin ikinci mərhələsində 103 ev istifadəyə veriləcək

Zəngilan rayonuna mediatur təşkil edildi. Jurnalistlər proqram çərçivəsində rayonun Ağalı kəndində oldular. Bu səfər zamanı kəndin ikinci mərhələsində aparılan bərpa və tikinti işləri haqqında məlumat verildi.

Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidmətinin (BTİX) İctimaiyyətlə əlaqələr şöbəsinin müdiri İlhamiyyə Rzayeva çıxış edərək, Ağalı kəndinin ikinci mərhələsində istifadəyə veriləcək evlərin sayı 103 ədəd olduğunu bildirdi. Bu evlər fərqli yaşayış tiplərini əhatə edir. Layihəyə 55 ədəd ikiotaqlı fərdi ev daxildir. Qalanları mənzillərdir, bunlara üçmərtəbəli, iki bloklu “Townhouse” tipli binalardakı üç mənzil daxil edilib.

Bundan əlavə, 36 ədəd birotaqlı, 12 ədəd isə ikiotaqlı mənzil inşa edilib. Kənddə bütün evlərə kommunikasiya xətləri çəkilib. Yaşayış və qeyri-yaşayış binalarının hamısı qazla təmin olunub, evlərdə kombilər quraşdırılıb. Həmçinin, bu ərazidə ümumi sahəsi 2 hektardan çox olan böyük bir park salınıb.

Park Ağalı və Məmmədbəyli kənd sakinləri, eləcə də qonaqlar üçün açıq istirahət və əyləncə zonası kimi fəaliyyət göstərəcək. Parkın ərazisi 5 funksional zonaya bölünüb. Bu zonalarda uşaqların istirahəti, idman fəaliyyəti və əyləncəsi üçün bütün şərait hazırlanıb. Bu işlərin bir hissəsi olaraq ərazidə müxtəlif ağac və kol bitkiləri əkilib, beləcə kənddə həm rahat mənzillər, həm də tam təchiz edilmiş yaşayış infrastrukturu yaradılıb.