Azərbaycam-Türkiyə Mədəniyyət üzrə Birgə Komissiyasının 5-ci iclası keçirilib

Azərbaycanla Türkiyə arasında mədəni əlaqələri daha da gücləndirmək məqsədi daşıyan Mədəniyyət üzrə Birgə Komissiyanın 5-ci iclası İstanbul şəhərində baş tutub. Bu mühüm toplantıda Azərbaycanı mədəniyyət nazirinin müavini Fərid Cəfərov təmsil edib.

Görüş zamanı iki qardaş ölkə arasındakı mədəni əlaqələrin dərinləşdirilməsi, yeni əməkdaşlıq yollarının müəyyənləşdirilməsi və birgə layihələrin həyata keçirilməsi məsələləri ətraflı müzakirə edilib. Tərəflər mədəni irs, kino, teatr, muzey və kitabxana işi kimi sahələrdə əməkdaşlığı gücləndirməyin vacibliyini xüsusi vurğulayıblar. Həmçinin, yaradıcı sənayelər, musiqi təhsili və normativ-hüquqi bazanın təkmilləşdirilməsi üzrə işlərin aparılması da gündəmdə olub.

Qeyd edilib ki, Azərbaycan və Türkiyə arasındakı bütün mədəni əlaqələr ortaq tarixi köklərə və mənəvi dəyərlərə əsaslanır. Bu cür əlaqələr xalqlarımız arasında mövcud olan qardaşlıq münasibətlərini daha da möhkəmləndirməyə xidmət edir. İclasın sonunda Komissiyanın 5-ci iclasına dair protokol imzalandı. Bu sənəd, müzakirə edilmiş bütün sahələr üzrə gələcək fəaliyyətin rəsmi əsasını təşkil edir.