Azərbaycana gətirilmiş 480 kq dondurma istehlaka yararsız çıxıb

Azərbaycana idxal olunan külli miqdarda dondurma istehsalı üçün nəzərdə tutulmuş yarımfabrikat məhsul istehlaka yararsız hesab edilib. Azərbaycan Qida Təhlükəsizliyi Agentliyindən (AQTA) verilən məlumata görə, ölkəyə gətirilmiş ümumilikdə 480 kiloqram dondurma məhsulu aşkar edilib və xüsusi poliqonda məhv edilib. Bu qərar məhsullarda fiziki çirklənmə, yəni metal qırıqlarının aşkar edilməsi səbəbindən verilib.

Qeyd olunur ki, problem Avropa İttifaqından gətirilən San Marino mənşəli məhsullarla əlaqədar idi. Söhbət "Special Frutta" əmtəə nişanlı dondurma yarımfabrikatından gedir. AQTA-ya həmin məhsulların tərkibində metal qırıqlarının olduğu barədə məlumat daxil oldu. Agentlik məlumatı aldıqdan sonra dərhal hərəkətə keçdi. Bu məhsulu ölkəyə idxal edən "Virtus Commerce" MMC-də mövcud qanunvericiliyin tələblərinə əsasən plandankənar yoxlama aparıldı.

Yoxlamanın nəticələri göstərdi ki, müəssisənin anbar sahəsində 480 kiloqram həcmində dondurma yarımfabrikatı var. Bu miqdar tamamilə istehlaka yararsız olduğu üçün onun məhv edilməsi haqqında qərar qəbul edildi. Fizikı çirklənməyə məruz qalmış bu məhsulların məhv edilməsi "Təmiz Şəhər" ASC-nin Balaxanı şəhər tullantılarının zərərsizləşdirilməsi poliqonunda, torpağa basdırılmaqla, həyata keçirildi. Qida təhlükəsizliyi baxımından atılan bu addım əhalinin sağlamlığının qorunmasına xidmət edir.