"Barselona" baş məşqçinin cəzalanması ilə bağlı növbəti dəfə apellyasiya şikayəti verib

İspaniyanın nəhəng klubu "Barselona" baş məşqçi Hans-Diter Flikin diskvalifikasiyası ilə əlaqədar növbəti dəfə apellyasiya şikayəti ünvanlayıb. Kataloniya təmsilçisi almaniyalı mütəxəssisə verilən cəza ilə qətiyyən razılaşmır. Buna görə də klub cəza qərarının ləğv edilməsinə nail olmaq istəyir.

Klub bu məqsədlə İspaniya Kral Futbol Federasiyasının (RFEF) İntizam Komitəsinə ikinci rəsmi müraciətini edib. Flikin cəzalanmasına səbəb olan hadisə ötən tur "Jirona" ilə keçirilən oyun zamanı baş verib. Almaniyalı baş məşqçi matçın əlavə edilmiş vaxtında, yəni 90+1-ci dəqiqədə ikinci sarı vərəqə alaraq meydanın kənarlaşdırılıb.

Əgər cəza qüvvədə qalarsa, bu qərarın klub üçün ciddi fəsadları olacaq. Belə ki, baş məşqçi oktyabrın 26-da keçiriləcək "Real" Madridlə El Klassiko matçında texniki zonada yer ala bilməyəcək. Məhz bu səbəbdən "Barselona" mütəxəssisin meydançadan uzaqlaşdırılması qərarını ləğv etmək üçün təkidlə çalışır.