Belçikada 17 yaşlı gənclər könüllü hərbi xidmətə çağrılır

Belçika müdafiə naziri Teo Franken ölkədə 17 yaşlı gənclərin könüllü hərbi xidmətə cəlb edilməsi üçün onlara məktublar göndərildiyini açıqlayıb. Bu təşəbbüs ölkə ictimaiyyətinin diqqət mərkəzindədir.

Nazir öz sosial şəbəkə hesabında paylaşım edərək, təxminən 149 000 məktubun 17 yaşlı gənclərə ünvanlandığını bildirib. Bu böyükmiqyaslı kampaniya sentyabr ayında təsdiqlənən bir layihənin hissəsidir. Layihənin əsas məqsədi məktəblər vasitəsi ilə gəncləri könüllü hərbi xidmətdə iştirak etməyə təşviq etməkdir.

Lakin bu çağırışlar ölkə daxilində mübahisələrə səbəb olub. Müxalifət hökumətin bu addımını sərt şəkildə tənqid edir. Onlar bu təşəbbüsü “cəmiyyətin militarizasiyası” adlandırırlar.