"Birbank"ın dəstəyi ilə ictimai nəqliyyat sistemində yeni dövr başlayır

Ölkənin ictimai nəqliyyat sistemində mühüm bir yenilik tətbiq edilib. Birbank-ın texnoloji dəstəyi və BakıKart-la birgə həyata keçirilən layihə sayəsində vətəndaşlar artıq Bakı Metropolitenində gediş haqqını istənilən banka məxsus təmassız (NFC) ödənişi dəstəkləyən kartlarla ödəyə bilərlər. Bu yenilik yalnız Kapital Bank müştərilərini deyil, bütün bank sektorunu əhatə edir. Digər bankların müştərilərinə də təmassız ödəniş imkanı yaradılır. Beləliklə, sərnişinlər üçün metroda ödəniş etmək daha asan və çevik hala gəlir.

Yeni tətbiq edilən sistem müştərilərə böyük seçim azadlığı və rahatlıq verir. O, "Apple Pay" və "Google Pay" kimi beynəlxalq ödəniş sistemlərini dəstəkləməyə davam edir. Eyni zamanda, "Birbank", "BakıKart" və "m10" ödənişləri də bu yeni quruluşla işləyir. Bu genişlənmə sərnişinlərin fiziki kart daşımadan nəqliyyatdan asanlıqla istifadə etməsinə imkan yaradır. Təmassız ödəniş sisteminin ilin sonuna qədər marşrut avtobuslarında da tətbiqi planlaşdırılır. Bu addım ictimai nəqliyyatda nağdsız ödənişlərin sayını artıracaq.

Qeyd edək ki, Birbank və BakıKart-ın birgə əməkdaşlığı çərçivəsində əvvəllər də sərnişinlər üçün yeniliklər tətbiq edilib. Daha əvvəl ictimai nəqliyyatda vətəndaşlar üçün QR ödəniş imkanı yaradılmışdı. Sistemin tətbiqi nəticəsində sərnişinlər Birbank mobil tətbiqində yaradılan QR bilet vasitəsilə paytaxt Bakı və Abşeron ərazisində metro və avtobuslarda fiziki kart olmadan gediş haqlarını ödəyə bilirlər. Bu cür rəqəmsal həllər nəqliyyat sisteminin modernləşdirilməsinə xidmət edir.