Buryatiyada kütləvi zəhərlənmə baş verib

Rusiya Federasiyasının Buryatiya bölgəsində kütləvi zəhərlənmə hadisəsi qeydə alınıb. Ümumilikdə 43 nəfər kəskin bağırsaq infeksiyası diaqnozu ilə xəstəxanalıq olub. Bu şəxslərin 18-i uşaqlardır. Rusiya İstehlakçı Hüquqlarının Müdafiəsi və İnsan Rifahı Sahəsində Nəzarət üzrə Federal Xidmətinin ("Rospotrebnadzor") regional idarəsi bu barədə məlumat yayıb.

Qurumun bildirdiyinə görə, yoluxma faktları təsdiqlənib və xəstəliyə yoluxanların sayı 43 nəfərdir. Zərərçəkənlərin böyük hissəsi uşaqlardır, lakin bütün xəstələr tibbi nəzarət altındadır. Onların hamısı Respublika Klinik Yoluxucu Xəstəliklər Xəstəxanasına yerləşdirilib və lazımi müalicə alır.

Zəhərlənmənin dəqiq səbəbi hələlik məlum deyil. Hadisənin necə baş verdiyi haqqında heç bir məlumat açıqlanmayıb. Aidiyyəti dövlət qurumları infeksiya mənbəyini tapmaq üçün araşdırmalara başlayıblar. Hadisənin təfərrüatları araşdırma başa çatdıqdan sonra ictimaiyyətə təqdim ediləcək.