Çin Tayvanın müstəqilliyi tərəfdarlarının Avropa Parlamentinə səfərinə görə Aİ-yə etiraz edib

Çin Xalq Respublikası Avropa İttifaqına (Aİ) qarşı ciddi etirazını bildirərək diplomatik nota təqdim edib. Etirazın səbəbi Tayvanın müstəqilliyini dəstəkləyən şəxslərin Avropa Parlamentinin binasına səfər etməsi və orada konfrans keçirməsidir. Bu barədə məlumat Çin Xalq Respublikasının Aİ-dəki xarici siyasət missiyasının saytında yayımlanan rəsmi bəyanatda qeyd olunub.

Bəyanatda bildirilir ki, Çin əleyhinə fəaliyyət göstərən “Çin üzrə Parlamentlərarası Alyans” ("Inter-Parliamentary Alliance on China") Avropa Parlamentinin binasında illik toplantısını keçirib. Çinin qəti etirazına baxmayaraq, Avropa Parlamenti Tayvan administrasiyası rəhbərinin müavini Syao Meyçinə və Tayvanın müstəqilliyi hərəkatının digər aparıcı üzvlərinə binanı ziyarət etməyə icazə verib. Həmin şəxslər illik görüşdə iştirak edərək separatçı fəaliyyət göstərməyə nail olublar.

Pekin rəsmiləri baş vermiş hadisəyə görə güclü narazılığını və qəti etirazını ifadə edib. Çin bu səbəbdən Avropa tərəfinə ciddi diplomatik nota təqdim etməklə rəsmi mövqeyini bir daha nümayiş etdirib.