Emin Əmrullayev Naxçıvanda vətəndaşları qəbul edəcək

Elm və təhsil naziri Emin Əmrullayev 28 noyabr tarixində Naxçıvan şəhərində vətəndaşlarla görüşəcək. Nazirliyin verdiyi məlumata görə, nazirin qəbulunda iştirak etmək istəyən vətəndaşların əvvəlcədən qeydiyyatdan keçmələri zəruridir. Bu görüş bölgə sakinlərinin problemlərini və təkliflərini birbaşa nazirə çatdırmaq üçün yaradılan bir imkandır.

Bu qəbuldan Naxçıvan şəhəri, Babək, Culfa, Kəngərli, Ordubad, Sədərək, Şahbuz və Şərur sakinlərinin faydalanması gözlənilir. Adları çəkilən şəhər və rayonların sakinləri qeydiyyat üçün bir neçə yoldan istifadə edə bilərlər. Qeyd edək ki, vətəndaşlar üçün qeydiyyat müddəti 18 noyabr (saat 18:00-dək) tarixinədək davam edəcək.

Vətəndaşlar qəbula yazılmaq üçün Elm və Təhsil Nazirliyinin Çağrı Mərkəzinin 146 – 2 və 146 – 6 nömrəli telefonlarına zəng edə bilərlər. Zənglər yalnız iş günləri və saatları ərzində qəbul edilir. Eyni zamanda, elektron formada müraciət göndərmək də mümkündür. Bunun üçün nazirliyin rəsmi saytının müvafiq bölməsinə daxil olmaq lazımdır. Bundan başqa, vətəndaşlar ‪‪+994 51 206 78 48‬‬ nömrəsinə mesaj göndərməklə WhatsApp vasitəsilə də müraciət edə bilərlər. Görüşdə iştirak üçün qeydiyyatın mütləq olduğunu yadda saxlamaq lazımdır.