Hindistanda məbəddə basırıq: azı 10 nəfər ölüb, onlarla yaralı var

Hindistanın Andhra-Pradeş ştatının Şrikakulam şəhərində yerləşən məbəddə düşən basırıq zamanı ağır faciə yaşanıb. İlkin məlumatlara görə, hadisə nəticəsində azı 10 nəfər həlak olub, onlarla insan isə xəsarət alaraq yaralanıb.

Yerli hakimiyyət orqanları basırığın səbəbini açıqlayıb. Onların bildirdiyinə görə, izdiham insanların məbədə kütləvi şəkildə axın etməsi səbəbindən baş verib. Çox sayda insanın eyni anda bir yerə toplanması nəzarəti itirib və bu da basırığa gətirib çıxarıb.

Hadisə yerinə dərhal polis qüvvələri cəlb edilib. Polis bir müddət sonra vəziyyəti nəzarət altına alıb. Ölənlərlə yanaşı, basırıqda yaralanan onlarla insan yaxınlıqdakı xəstəxanalara çatdırılıblar. Hazırda zərərçəkənlərin müalicəsi davam edir.