İnterpola yeni başçı seçilib

27.11.2025 13:45 13 baxış sayı 1 dəq. oxuma Trend

Qanun

Mərakeşin Fəs şəhərində keçirilən İnterpolun 93-cü Baş Assambleyasında beynəlxalq polis təşkilatına yeni prezident seçilib. Fransalı polis rəisi Lukas Filipe bu vəzifəyə təyin edildi.

Verilən məlumata görə, 53 yaşlı fransızın namizədliyini assambleyanın 84 üzvü dəstəkləyib və ona səs verib. Yeni rəhbərin seçilməsi ilə yanaşı, təşkilatın regional strukturlarına da yeni təyinatlar olub.

Toplantıda Asiya üzrə vitse-prezident vəzifəsinə Çindən Van Yonq təyin edildi. Həmçinin, Afrika, Asiya və Avropa üzrə nümayəndələr seçildi. Afrika üzrə nümayəndələr Tunisdən İssam Fetui və Keniyadan Məhəmməd İbrahim Amin, Asiya üzrə nümayəndə Yaponiyadan Kazumi Oqasavara, Avropa üzrə nümayəndə isə İtaliyadan Stefano Karvelli oldu.

Könül Məmmədova

İnsan hüquqları müxbiri

İnsan hüquqları və vətəndaş cəmiyyəti mövzularında ixtisaslaşmışam. Bu sahədə qeyri-hökumət təşkilatlarında da işləmişəm.

Bütün məqalələrə baxın