"Milan" "Mançester Siti"nin futbolçusu ilə maraqlanır

İtaliya təmsilçisi "Milan" klubu İngiltərənin "Mançester Siti" komandasında çıxış edən Mateo Kovaçiç ilə ciddi maraqlanır. 31 yaşlı yarımmüdafiəçi meydana az çıxdığı üçün komandasını dəyişmək istəyir. Bu maraq, "şəhərlilər"in xorvatiyalı oyunçunun müqaviləsinin müddətinin uzadılması ilə bağlı danışıqları dayandırdığı vaxta təsadüf edir.

Kovaçiçin bu mövsüm komandada rolu çox məhdud olub. Cari mövsümdə o, "Mançester Siti"nin heyətində cəmi 37 dəqiqə meydanda olub. Təbii ki, oyunçu məhz buna görə də komandasını dəyişmək niyyətindədir. Onun az iştirak etməsi digər klublara, xüsusən də Milana, transfer üçün imkan yaradır.

Oyunçunun "Mançester Siti" ilə müqaviləsi hələ uzun müddət qüvvədədir. Onun klubla sözləşməsi 2027-ci ilin yayınadək davam edir. Müqaviləsinin bitməsinə hələ illər qalmasına baxmayaraq, "Milan" təcrübəli yarımmüdafiəçini öz heyətinə qatmaq üçün transfer imkanlarını araşdırır.