Milli Məclisin sədri Sahibə Qafarova COP30-un Liderlər Sammitinin açılış mərasimində iştirak edir (FOTO)

06.11.2025 18:45 5 baxış sayı 2 dəq. oxuma Trend

Milli Məclisin sədri Sahibə Qafarova BMT-nin İqlim Dəyişmələri üzrə Çərçivə Konvensiyasının Tərəflər Konfransının 30-cu sessiyası çərçivəsində Liderlər Sammitində iştirak edir. O, Braziliya Federativ Respublikasının Belem şəhərində işgüzar səfərdədir.

Bu beynəlxalq tədbirdə Azərbaycanı məhz Sahibə Qafarovanın başçılıq etdiyi nümayəndə heyəti təmsil edir. Sammitin açılış mərasimindən əvvəl Braziliya Federativ Respublikasının xarici işlər naziri Mauro Vieyra Mavi Zonada Azərbaycan parlamentinin spikerini salamlayıb.

Daha sonra COP30-un Liderlər Sammitinin açılış mərasimi keçirilib. Mərasimdə Braziliya Prezidenti Luis İnasio Lula da Silva, BMT-nin Baş katibi Antonio Quterreş və bir sıra digər ölkələrin prezidentləri və baş nazirləri çıxış etdilər. COP30-da dövlət və hökumət başçıları, nazirlər və beynəlxalq təşkilatların rəhbərləri iqlim dəyişikliyi ilə bağlı aktual problemləri və öhdəlikləri müzakirə etmək üçün bir araya gəlirlər.

Qeyd edilir ki, Azərbaycan parlamenti spikerinin Sammitdə çıxışı da nəzərdə tutulur.

Könül Məmmədova

İnsan hüquqları müxbiri

İnsan hüquqları və vətəndaş cəmiyyəti mövzularında ixtisaslaşmışam. Bu sahədə qeyri-hökumət təşkilatlarında da işləmişəm.

Bütün məqalələrə baxın