"Nar"ın "Çoox Şanslı" lotereyasında 6-cı avtomobil sahibini tapıb

Sərfəli mobil operator “Nar” “Çoox Şanslı” stimullaşdırıcı lotereyası çərçivəsində növbəti qalibini elan etdi. Beləliklə, altıncı avtomobilin sahibi Ramil Abdullayev oldu. O, “Haval H6 Ultra” avtomobilini qazanıb. “Nar” qalibi təbrik edərək ona avtomobilin açarlarını təqdim etdi. Avtomobil tirajı ilə yanaşı, bu dəfəki lotereyada smartfon qazanan üç “Nar” abunəçisi də hədiyyələrini aldı. Araz İmanov, Sahib Eminov və Vəfadar Aslanov “Xiaomi Redmi Note 14 Pro” smartfonlarına sahib oldular, onlar hədiyyələrini böyük sevinc və həyəcanla təhvil aldılar.

Qaliblərin seçilməsi tam təsadüfi qaydada aparıldı və nəticələr canlı yayımda elan edildi. Bu lotereya ilin sonuna qədər davam edəcək. Bu müddət ərzində “Nar” abunəçiləri fərqli hədiyyələr qazanmaq imkanı əldə edirlər. Hər gün iştirakçılar “Xiaomi Redmi Note 14 Pro” smartfonu qazanır. Hər həftə yeni “Haval H6 Ultra” avtomobili tiraja çıxarılır. Finalda isə ən böyük mükafat olan “Li L9 Ultra” avtomobili öz sahibini tapacaq. Bu cür kampaniyalar abunəçilər arasında böyük maraq yaradır.

“Çoox Şanslı” lotereyasında iştirak etmək üçün “Nar” abunəçiləri sadəcə balanslarını artırmalı və ya şans qazandıran paketlərdən birini aktivləşdirməlidirlər. Hər balans artımı və ya paket aktivləşdirməsi abunəçiyə əlavə şans gətirir, bununla da qalib olmaq ehtimalı yüksəlir. Abunəçilər topladıqları şansların sayını və iştirak statuslarını “Nar+” tətbiqi vasitəsilə rahatlıqla izləyə bilərlər. Lotereyanın şəffaf olması üçün bütün proseslərə diqqət yetirilir.