"Neftçi" Azərbaycan derbisində 16 oyundur "Qarabağ"ı məğlub edə bilmir

Azərbaycan derbisinin statikası "Neftçi" üçün xoşagəlməz rəqəmi göstərir. Peşəkar Futbol Liqasının (PFL) mətbuat xidmətinin yaydığı məlumata görə, "Neftçi" 16 oyunluq məğlubiyyət seriyası ilə "Qarabağ"a qalib gələ bilmir. Bu mənfi statistika 19.05.2021-ci ildən indiyədək davam edir. Derbidə ən uzun qələbə seriyası məhz "Qarabağ"a məxsusdur. Ağdam klubu 02.05.2023-cü ildən etibarən ardıcıl 9 oyunda qələbə qazanıb.

Tarixi göstəricilərə nəzər salsaq, "Neftçi"nin ən uzun qələbə seriyasından artıq 21 il keçib. Həmin seriya 3 oyundan ibarət idi (11.07.2003 - 05.12.2004). "Qarabağ"ın ən uzun qələbəsiz seriyaları isə iki dəfə 7 oyun olaraq qeydə alınıb. Komandalar arasında ən uzun heç-heçə seriyası da iki dəfə 3 oyun olub. Digər tərəfdən, "Qarabağ" ən uzun qol seriyasına malikdir; bu göstərici 12.09.2021-ci ildən bəri 16 oyun davam edir. "Neftçi"nin ən uzun qol seriyası isə cəmi 6 oyundan ibarət idi.

Qolsuz seriyalar hər iki klubda ən çoxu 5 oyun çəkib. Lakin "Neftçi" hazırda belə bir qolsuz seriyanın içindədir, bu seriya 04.05.2024-cü ildən başlayıb və hələ də davam edir. Bütün bu gərgin statistikanın fonunda, Misli Premyer Liqasının XI turunun derbi matçı azarkeşlər üçün böyük maraq kəsb edir. "Qarabağ" və "Neftçi" arasındakı növbəti görüş noyabrın 11-də, saat 18:44-də "Azərsun Arena"da baş tutacaq.