Premyer Liqa nəhəngləri 18 yaşlı yarımmüdafiəçi ilə maraqlanır

“Olimpiakos”un gənc futbolçusu Kristos Mouzakitis karyerasını İngiltərə Premyer Liqasında davam etdirmək imkanı qazanıb. Bir çox nəhəng İngiltərə klubu bu istedadlı yarımmüdafiəçini heyətinə qatmaq istəyir. Onların arasında xüsusilə “Mançester Yunayted” yunanıstanlı futbolçunu transfer etməkdə maraqlıdır.

“Qırmızı şeytanlar” Mouzakitisin oyununu uzun müddətdir yaxından izləyir. Lakin onlar rəqabətlə üzləşirlər, çünki bu, tək "Mançester Yunayted"in marağında olan bir transfer deyil. 18 yaşlı oyunçu ilə həmçinin “Çelsi” və “Arsenal” kimi digər böyük Premyer Liqa klubları da maraqlanırlar. Bu üç nəhəng klub gənc yunanı yaxından təqib edir.

Kristos Mouzakitis “Olimpiakos”un öz yetirməsidir. O, həm də Yunanıstan millisinin üzvüdür. Bu mövsüm Pirey təmsilçisinin heyətində meydana çıxdığı 16 rəsmi matçda çıxış edib. O, bu görüşlərdə iki qol ötürməsi ilə yadda qalıb. Bu göstəricilər onun Avropanın ən böyük liqalarından birinə keçmək şansını artırır.