Qaraheybətdə helikopter qəzasından 4 il ötür

Dövlət Sərhəd Xidmətinə (DSX) məxsus hərbi helikopterin Xızı rayonu ərazisində, "Qaraheybət" aviasiya poliqonunda qəzaya uğramasından 3 il ötür. Bu faciə 2021-ci il noyabrın 30-da, səhər saat 10:40 radələrində təlim uçuşları yerinə yetirilərkən baş vermişdi.

Qəza nəticəsində 14 yüksək rütbəli zabit şəhid oldu. Hadisə zamanı iki hərbçi isə ağır yaralandı. Şəhid olan hərbçilərin adları arasında polkovniklər, mayorlar və leytenantlar var idi. Onlar arasında Polkovnik Cavadov Füzuli Əli İbram oğlu, Polkovnik-leytenant Nəzirov Emil Nəzir oğlu, Mayor Həsənov Elmir Mircəlil oğlu, Mayor Əhmədov Elbrus Səmrəddin oğlu, Mayor Mayılov Emil Şahid oğlu, Mayor Məmmədov Murad Yaşar oğlu, Mayor Əliyev Emil Elman oğlu yer alır. Həmçinin Tibb xidməti kapitanı Əhmədxanov Ceyhun Xanlar oğlu, Kapitan Bayramlı Cavid Əhliman oğlu, Kapitan Əliyev Xəyyam Əlixan oğlu, Kapitan Qaraisayev Teymur Ənvər oğlu, Leytenant Süleymanov Abdulla Telman oğlu, Baş leytenant Nağıyev Fərid Təyyar oğlu və ehtiyatda olan polkovnik Nəbiyev Elçin Fikrət oğlu şəhid oldu.

Bu ağır hadisə zamanı iki hərbi qulluqçu sağ qalaraq yaralandı. Onlar polkovnik-leytenant Cəfərov Emil Məmməd oğlu və kapitan Ədilov Ramin Ramiz oğludur. Faciə baş verdikdən sonra dərhal hüquqi müstəvidə araşdırmalara başlanıldı. Baş Prokurorluğun İstintaq idarəsi faktla bağlı Cinayət Məcəlləsinin müvafiq maddələri ilə cinayət işi açdı. Bu istintaq qəzanın səbəblərini müəyyənləşdirməyə yönəlib.