Rəşad Nəbiyev Beyləqanda vətəndaşları qəbul edib

Rəqəmsal İnkişaf və Nəqliyyat naziri Rəşad Nəbiyev Beyləqan şəhərində regional sakinləri qəbul edib. Görüşdə İmişli, Saatlı, Sabirabad, Xocavənd və Beyləqan rayonlarından gələn vətəndaşlar iştirak ediblər.

Nazir bu görüş haqqında məlumatı özünün "X" sosial şəbəkəsindəki hesabında paylaşıb. O qeyd edib ki, əsas diqqət vətəndaşların nəqliyyat, telekommunikasiya və poçt xidmətləri ilə bağlı müraciətlərinin nəzərdən keçirilməsinə yönəldilib. Görüş zamanı qaldırılan məsələlərin müəyyən hissəsi yerindəcə müsbət həllini tapıb.

Həlli mümkün olmayan və daha dərindən araşdırılma tələb edən digər müraciətlər isə qeydə alınıb. Bu qismin araşdırılması üçün nazirliyin müvafiq qurumlarına müvafiq tapşırıqlar verilib.