Şamaxıda yaşayış evi yanıb - VİDEO - YENİLƏNİB

Fövqəladə Hallar Nazirliyinə (FHN) Şamaxı rayonunun Kiçik Xınıslı kəndində fərdi yaşayış evində yanğın baş verməsi barədə məlumat daxil oldu. Dərhal FHN-in Dövlət Yanğından Mühafizə Xidmətinin qüvvələri əraziyə cəlb edildi. Yanğınsöndürənlərin çevik müdaxiləsi sayəsində ümumi sahəsi 150 kvadratmetr olan ikimərtəbəli evdə alovun daha geniş sahəyə yayılmasına imkan verilmədi. Yanğın qısa müddətdə söndürüldü.

Hadisə axşam saat 19:00 radələrində Məmmədəmin Rəsulzadə küçəsi, ev 5 ünvanında qeydə alınıb. Yanğın 1964-cü il təvəllüdlü Süleymanov Sədaqət Ağadur oğluna məxsus 6 otaqlı evdə baş verib. Alov əsasən evin ikinci mərtəbəsində böyük ziyan törətdi. İki otağın yanan konstruksiyaları 60 kvadratmetr sahədə, həmçinin bir otağın taxtadan olan tavanı isə 25 kvadratmetr sahədə zərər gördü. Nəticədə ikinci mərtəbədəki bütün əşyalar tamamilə yanıb.

Qeyd edilir ki, yanğınsöndürmə əməliyyatları nəticəsində evin qalan hissəsi yanğından tamamilə mühafizə olundu. Hadisə yerinə ümumilikdə üç yanğınsöndürən avtomobil cəlb olunmuşdu. Ən vacib məqam isə yanğın nəticəsində xəsarət alan olmayıb. Hazırda bu fərdi yaşayış evində baş verən yanğının səbəbi ilə bağlı araşdırmalar davam etdirilir.