Sosial şəbəkələrdə endirimli saxta onlayn xarici dil kursu təşkil edən şəxs saxlanılıb

Sosial şəbəkələr vasitəsilə endirimli onlayn xarici dil kursları təşkil edəcəyi barədə yalan elanlar yerləşdirərək dələduzluq edən 27 yaşlı Azər İsmayılov polis əməkdaşları tərəfindən saxlanılıb.

İsmayılov təsisçisi olduğu "iamzerv academy" adlı sosial şəbəkə hesabından istifadə edib. O, kursların qiymətini onların real dəyərindən qat-qat aşağı göstərirdi. Bu elanları görən zərərçəkənlər kurslara yazılmaq üçün A. İsmayılovun kartına 50 manatdan 600 manatadək pul köçürüblər. Saxlanılan şəxs pul vəsaitlərini ələ keçirdikdən sonra, aldatdığı insanlarla bütün əlaqələri dərhal kəsirdi.

A. İsmayılovun fəaliyyəti ilə bağlı Polis İdarəsinə çoxsaylı şikayətlər daxil olub. Hazırda bu dələduzluq əməlləri barədə Polis İdarəsində araşdırmalar davam etdirilir.