Tramp Somalidən olan mühacirləri vətənlərinə geri dönməyə çağırıb

ABŞ hökuməti qanunsuz miqrantlarla mübarizəni sərtləşdirir. Bu çərçivədə Ağ Ev rəhbəri Donald Tramp Somalidən olan sənədsiz mühacirlərə vətənlərinə geri dönməyi təklif edib. Bu çağırış əsasən Miçiqanda yaşayan miqrantlara ünvanlanmışdı. Tramp administrasiyası ölkədə sənədsiz yaşayan somalili miqrantları hədəfə almaq üçün konkret addımlar atmağa başlayıb.

Məlumatlara görə, administrasiya Miqrasiya və Gömrük Mühafizəsi Xidmətinə (ICE) bu şəxsləri xüsusi nəzarətə götürməyə dair göstəriş verib. Bu hədəfə alınan ərazilər Miçiqan ştatının Minneapolis və Sent-Pol bölgəsini – “İki Şəhər” adlandırılan məkanı əhatə edir. Prezident bu miqrantları ölkədə görmək istəmədiyini Nazirlər Kabinetinin iclasında qətiyyətlə bildirib.

Tramp deyib ki, "Mən onları ölkəmizdə görmək istəmirəm. Sizə tam səmimi deyirəm, yaxşı? Kimsə deyəcək ki, 'bəyanat siyasi cəhətdən düzgün deyil'. Mənə fərq etmir. Mən onları ölkəmizdə görmək istəmirəm." O, Somalidən gələn miqrantların geri dönməsini tələb etməsinin səbəbini də açıqlayıb. Prezidentin fikrincə, bu şəxslər ABŞ-a demək olar ki, heç bir töhfə vermədiklərini göstəriblər. Bu sərt bəyanat ABŞ-ın miqrasiya siyasətinin dəyişən istiqamətini əks etdirir və administrasiyanın qanunsuz yolla ölkədə qalan şəxslərə qarşı yürütdüyü sərt xətti təsdiqləyir.