Türkiyədə məktəbdə yaşanan izdihamda 21 şagird yaralanıb

31.10.2025 00:46 6 baxış sayı 1 dəq. oxuma Report

Ölkə

Türkiyənin Ərzurum şəhərində yerləşən məktəblərin birində yaşanan izdiham nəticəsində 21 şagird xəsarət alıb. Hadisə məktəb binasında sıxlıq yarandığı zaman baş verib.

Məlumata görə, tənəffüs zəngi çalındıqdan sonra şagirdlər məktəbin həyətinə axışıblar. Bu zaman izdihamda irəliləyən şagirdlərdən bəziləri pilləkəndən yıxılıb. Onların yıxılması arxadakı digər şagirdlərin də tarazlıqlarını itirərək yerə düşmələrinə səbəb olub.

Hadisə nəticəsində yaralanan 21 şagird dərhal xəstəxanaya aparılıb. Onlara tibbi yardım göstərilib və vəziyyətləri qiymətləndirildikdən sonra evə buraxılıblar. Hazırda bu izdiham hadisəsi ilə bağlı rəsmi araşdırma başladılıb.

Arzu Hüseynova

İnvestigativ jurnalist

Korrupsiyaya qarşı mübarizə və şəffaflıq mövzularında yazıram. İnvestigativ jurnalistika mənim əsas maraq sahəmdir.

Bütün məqalələrə baxın