“Bavariya” ilə razılıq əldə edən ulduzdan "Real"a inanılmaz jest

"Bayer Leverkuzen"in futbolçusu Florian Virts “Real Madrid”ə transfer olmaq istəyir.

Metbuat.az xəbər verir ki, futbolçu “Bavariya” ilə razılıq əldə etsə də, müqavilə imzalamayıb. “Bild” qəzetində dərc edilən xəbərə görə, futbolçu “Real”la razılığa gəlmək istədiyi üçün “Bavariya” ilə müqavilə imzalamayıb. “Real”la razılıq əldə edilməsə Florian Virts “Bavariya”nın təklif etdiyi müqaviləyə imza atacaq.

Qeyd edək ki, “Real”ın məşqçisi olacağı deyilən Xabi Alonsonun Florian Virtsin transferini tələb etdiyi barədə xəbərlər dərc edilmişdi. Bundan əvvəl, “Bayer Leverkuzen"in futbolçusu Florian Virtsin "Bavariya" ilə razılıq əldə etdiyinə dair xəbərlər dərc edilmişdi. Məlumata görə, “Bavariya” futbolçuya 5 illik müqavilə və illik 25 milyon avro məvacib təklif edib.