
Bayram səfərindən dönən sürücülərə müraciət edildi

Baş Dövlət Yol Polisi İdarəsi (BDYPİ) səfərdən dönən yol hərəkəti iştirakçılarına müraciət edib.
Metbuat.az müraciətin mətnini təqdim edir:
“Bayram tətilində ayrı-ayrı bölgələrə səfər etmiş əhalinin daimi yaşayış yerlərinə qayıtması ilə əlaqədar magistral yollarda hərəkət intensivliyinin artması müşahidə olunur.
Baş Dövlət Yol Polisi İdarəsi Novruz şənliklərinin arzuolunmaz hadisələr fonunda bitməməsi üçün yol hərəkəti iştirakçılarına müraciət edərək onlardan təhlükəsizlik qaydalarına əməl etməyi, sürücülərdən yorğun, yuxusuz halda sükan arxasına əyləşməməyi, sərnişinlərdən isə belə hallara qarşı biganə qalmamağı xahiş edir.
Xüsusilə sürücüləri yola çıxmazdan əvvəl nəqliyyat vasitələrinin texniki sazlığına diqqət yetirməyə, yol və hava şəraitini düzgün qiymətləndirməyə, yolboyu ötmə və manevretmə qaydalarına, sürət rejiminə ciddi əməl etməyə çağırırıq.
Xatırladırıq ki, uzaq məsafə qət edən sürücü və sərnişinlər qısa müddətli istirahət üçün DYP-nin respublika əhəmiyyətli avtomobil yollarında yerləşən stasionar postlarında yaradılmış şəraitdən istifadə edə bilərlər”.
Oxşar xəbərlər

BDYPİ piyadalara və sürücülərə müraciət etdi
Bugun.az

DYP sürücülərə müraciət etdi
Bugun.az

DİQQƏT! Əhaliyə müraciət edildi
Xəbər Anı

Müdafiə Nazirliyi Sürücü Axtarır!
Bugun.az

Bu yol sürüşükəndir -Sürücülərə müraciət edildi
Bugun.az

Dumanlı Hava Şəraiti Sürücülərə Diqqətli Olmağı Xa...
Bugun.az