Gürcüstan Seçkilərində İlkin Nəticələr Açıqlandı

Gürcüstan Mərkəzi Seçki Komissiyası bu gün keçirilən parlament seçkilərində ilk nəticələri elan edib.

MSK-nın məlumatına görə, 2 176 seçki məntəqəsinin ilkin nəticələri əsasında, “Gürcü Arzusu - Demokratik Gürcüstan” partiyası seçicilərin 52,988 faizinin səsini qazanıb.

“Dəyişikliklər üçün Koalisiya” partiyası 11,199 faizlə ikinci, “Vahid Milli Hərəkat” isə 9,805 faizlə üçüncü yerdə qərarlaşıb.

Seçkilərdə “Güclü Gürcüstan” 9,04 faiz, “Qaxaria - Gürcüstan üçün” partiyası isə 8,243 faiz səs toplayıb.

Qeyd edək ki, ümumilikdə 3 111 seçki məntəqəsi fəaliyyət göstərib və səslərin yalnız 2 176-da hesablanması başa çatıb.