Bugun.az Kanal loqosu
Bugun.az
11 abunə

İlham Əliyev Sərəncam imzaladı

01.04.2025 09:25 114 baxış sayı 2 dəq. oxuma Metbuat
İlham Əliyev Sərəncam imzaladı

İsmayıllı rayonunun İvanovka kəndində əkin sahələrinin suvarma suyu ilə təminatı yaxşılaşdırılacaq.

Metbuat.az xəbər verir ki, Prezident İlham Əliyev bu barədə Sərəncam imzalayıb.

Sərəncama əsasən, İsmayıllı rayonunun İvanovka kəndində 1250 hektar əkin sahəsinin suvarma suyu ilə təminatının yaxşılaşdırılması üçün Azərbaycan Respublikasının 2025-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Dövlət Su Ehtiyatları Agentliyinə ilkin olaraq 5.000.000,0 (beş milyon) manat ayrılıb.

Göstərilən məbləğdə maliyyələşməni təmin etmək Azərbaycan Respublikasının Maliyyə Nazirliyinə, əkin sahəsinin suvarma suyu ilə təminatının başa çatdırılması üçün zəruri olan maliyyə vəsaitini Azərbaycan Respublikasının 2026-cı il dövlət büdcəsi layihəsində dövlət əsaslı vəsait qoyuluşu xərclərinin bölgüsü Azərbaycan Respublikasının İqtisadiyyat Nazirliyinə, Sərəncamdan irəli gələn məsələləri həll etmək isə Azərbaycan Respublikasının Nazirlər Kabinetinə tapşılıb.

G
Sosial məsələlər müxbiri

Cəmiyyət həyatı və sosial məsələlər haqqında yazıram. İnsanların hekayələrini dinləmək və danışmaq mənim işimdir.

Bütün məqalələrə baxın
Paylaş: