Texniki baxışı zamanı bu normativ xüsusi yoxlanılır

Avtonəqliyyat vasitələrinin dövlət texniki baxışından keçirilməsi zamanı yanacaq sistemi nasaz olan nəqliyyat vasitələri aşkarlanıb. Baş Dövlət Yol Polisi İdarəsinin (BDYPİ) Müayinə mərkəzində atmosferə zərərli qazlar ixrac edən nəqliyyat vasitələrinə cavabdeh şəxslər barəsində qanunauyğun tədbirlər görülüb.

Metbuat.az xəbər verir ki, bu barədə idarədən məlumat veriblər.

BDYPİ nəqliyyat vasitələrinin sahiblərini, sürücüləri, eləcə də avtonəqliyyat müəssisələrinin rəhbərliyini istifadələrində olan avtomobillərin yanacaq sistemini saz vəziyyətdə saxlamağa, ixrac qazlarının tərkibinin normalara uyğunlaşdırılmasını təmin etməyə çağırır.

Xatırladırıq ki, ətraf mühitə atılan tullantılarda müəyyən edilmiş normadan artıq çirkləndirici maddələr olan avtomobillərin idarə edilməsinə və onların istismara buraxılmasına yol verən fiziki və hüquqi şəxslər qanunvericiliklə müəyyən edilmiş qaydada məsuliyyət daşıyırlar.