Yanğında həlak olan Könül Hümbətova imiş - FOTO

21.11.2025 20:32 10 baxış sayı 2 dəq. oxuma Metbuat

Bakı şəhəri, Yasamal rayonu, Mirəli Seyidov küçəsindəki çoxmərtəbəli yaşayış binasında baş verən yanğın faciəsi nəticəsində həlak olan şəxslərdən birinin Bakı Milli Geyim Evinin rəhbəri olduğu təsdiqlənib. Həmin şəxs rəsmi soyadı Hümbətova olan Könül Vəlibəylidir. 1977-ci il təvəllüdlü Könül Hümbətova yanğın zamanı tüstüdən zəhərlənərək həyatını itirib.

Bu dəhşətli hadisə nəticəsində üç nəfər dünyasını dəyişib. K. Hümbətova ilə yanaşı, 2018-ci il təvəllüdlü Arzu Əli qızı Qənbərli və 1983-cü il təvəllüdlü Samir Kamal oğlu Məmmədov da həlak olublar. Yanğından sonra təcili tibbi yardım briqadaları ümumilikdə 20 nəfəri Kliniki Tibbi Mərkəzə çatdırdı. Həmin şəxslər hospitalizasiya edilib və onlara zəruri tibbi xidmətlər göstərilməsi davam etdirilir.

Baş Prokurorluq faciə ilə bağlı dərhal hərəkətə keçdi. Faktla əlaqədar Cinayət Məcəlləsinin müvafiq maddəsi ilə cinayət işi başlanılıb. Hazırda hadisənin bütün təfərrüatlarını aydınlaşdırmaq üçün ilkin istintaq işləri aparılır.

Nigar Məhərrəmova

Sosial media redaktoru

Sosial media və rəqəmsal trendlər haqqında yazıram. Platformaların alqoritmləri necə dəyişir və bu bizə necə təsir edir - mənim əsas mövzularım.

Bütün məqalələrə baxın